Ата-аналар жиналыcы : « Ата-ана және мектеп»

Ата-аналар жиналысың  тақырыбы:  « Ата-ана  және  мектеп»

Мақсаты:Бала  тәрбиесіндегі   ата- ананың алатын орнының  ерекше  екендігін түсіндіру,ата-аналардың  мектеппен  байланысын   нығайту;

Түрі:  топтастыру

Көрнекілігі: карточка,дөңгелектер,нақыл сөздер,«кірпіш  тапсырмасы бар;

қағаз,қалам,гүлдер,доп, жүрек суреті,үшбұрыштар, шаршылар.

Жоспар:

1.    Ата-аналарға  арналған   тренинг

2.   Түрлі ойын- жаттығулары орындау

3.   Қорытынды.

Барысы:

І.Ұйымдастыру

Сәлеметсіздер ме, құрметті ата аналар!

Бүгінгі жиналысты ерекше өткізгім келіп тұр.

Алдымен бір бірімізбен амандасып алайық. Амандасуды кішкене өзгеше өткізгім келіп тұр. Ортаға шығып  шаршы немесе үшбұрыш таңдап алу.Шаршы белгілер қол алып амандасады, үшбұрыш мимика арқылы амандасады.

 Шаршы – өзін тұрақты ортада ыңғайлы сезінеді, нақты тапсырманы қалайды. Ол барлығы белгіленген тәртіппен болғанын жақсы көреді. Егер де оған тапсырма берсе, ол оны аяқтағанша, тіпті жалғыз қалса да, орнынан кетпейді.

Үшбұрыш- өзіне мақсат қояды. Ол үнемі жоспармен жүреді және орындаған

сайын одан ләззат алып алға қарай ұмтылады. Ол ірі ұзақ мерзімді істерге көп

көңіл бөледі де кішкентай бөлшектерге мән бермейді. Егер оған тапсырма берсе,

ол алдымен өзіне мақсат қойып содан соң оны орындау жоспарын құрады.

Сол алған үшбұрыш  және шаршы арқылы екі топқа

бөлінеді. 1 топ «Ата-ана», 2 топ «Мектеп» деп топ аты берілді.

 Мұғалім: Бүгінгі балаларымыз туралы әңгімемізді мынандай бір әңгімеден бастағым келеді:

Ертеде жұрттың барлығына танымал бір данышпан тұрыпты. Бір адам оның барлығын

біле бермейтінін дәлелдегісі келіп алдына келеді. Ол алақанына бір көбелекті

салып данышпаннан сұрайды: «Айтшы, менің алақанымдағы көбелек тірі ме әлде өлі

ме?» . Ал өзі ішінен ойлайды: «Егер де тірі десе мен оны қысып өлтіріп

тастаймын. Ал егер өлі десе -ұшырып жіберемін.» Данышпан ойланып тұрып : «Бәрі

де өз қолыңда» деп жауап беріпті.

Біздің балаларымыз мектепте өз үйіндей сезінуге жағдай жасау біздің қолымызда.

Ол үшін мұғалім мен ата-ана тығыз байланыста болып бірігіп жұмыс жүргізу қажет.

Бүгінгі жиналымыздың мақсаты да сол - бір-бірімізбен жақын танысу. 

I.«Мен сенімен сұхбаттасқаныма қуаныштымын» атты жаттығу.

Барлығы бір - бірінің қолынан ұстап шеңбер құрады. Ойынды бірінші отырған адам бастайды. Кейінгілер осы бірінші ойыншының есімін шеңбер бойымен жылжыта отырып, түрлендіре атау. Әркім өзін таныстырып, өзі жайлы бір - екі ауыз сөз айтып, онан соң оң жақтағы көршісі де солай жалғастырады. Қатысушылар түгел танысып болған соң, топтағы көңілі қалаған екі - үшеуіне ата - аналардың есімін ретімен атап шығу

II. Оның есесіне...... жаттығуы 

Мен баламды ұра алмаймын, оның есесіне ------------

Мен дәмді бәліш пісіре алмаймын, оның есесіне-----------

Мен балама өте қымбат киім киізе алмаймын,оның есесіне--------

Мен ән айта алмаймын, оның есесіне ---------------

Мен ашуланшақпын, оның есесіне ---------------

Мен әдемі күле алмаймын, оның есесіне -------------

III.Сұрақ- жауап

Екі топқа тақырып беріледі.Ата –аналар сол бойынша өз ойларын ортаға салады.

1топ.    Мектеппен ,балаңыздың сынып жетекшісімен үнемі байланыстасыз ба,олай болмаса сізге не кедергі?.

2топ.   Бала үшін мұғалім мен ата- ана  арасында қандай байланыс болуы керек?

IV.«Балаңызға деген сүйіспеншілік деген» ойыны өткізіледі.

Баланың жан дүниесі – Бұл толып тұрған ыдыс сияқты.

Өз балаңыздың қандай болғанын қалайсыз?

Қандай  қабілеттері болғанын  және сіз өзіңізден қандай қасиетті алғанын қалайсыз?

Әрқайсыларыңыздың қолдарыңызда жүрек бар. Сол жүректің ішіне өздеріңіздің

ойларыңызды жазып, осы ыдыстың ішіне салып қойыңыздар және де жазған

сөздеріңізді айтып шығуларыңыз керек.

Қорыта айтқанда ата ананың махаббаты, сүйіспеншілігі бала үшін бақыт, Осы

сезімдеріңіз арқылы баланың өз орнын таба білуге үйретесіздер.         

V.Дидактикалық ойын «Отбасылық махаббат үйі»

Ал енді қазір сіздермен «отбасылық махаббат үйі » атты ойын өткіземін.Балаларыңызға деген махаббатты анықтай аласыздар.

Әр адамның өз үйі бар, бірақ ол үй тек баспана ғана ретінде емес, сол үй  жақсы көріп

және күтетін жер болу керек.Сондықтан сіздердің міндеттеріңіз жай ғана армандап

жүрген үй салу ғана емес, ал сол жерде тұратын балаларға бақыт, махаббат, жылу,

беретін үй салуларыңыз керек. Ол үшін ерекше материал қажет.Әрине даладағы

жатқан тақтайлар емес, ал адамның негізгі қасиеттерімен саламыз.Олар:

Мейірімділік, күлкі, түсінушілік, шыдамдылық,көмектесу.Үстел үстінде кірпіштер

жатыр. Соларды алып үй саласыздар,бірақ салғанда жай салмайсызадар, артында

тапсырмалар жазылады соны орындай отырып үй құрамыз.Ойлануға бір екі минут

беріледі.  Ойын тапсырмалары;

1. «Парасатты»кірпіші

Қағазды екі қатарға бөліп ата аналардың плюс және минус жағын үш сөз арқылы жеткізу, жазу,айту.

2.   «Достық»кірпіші

«Үй» деген сөзді қалай түсінесіз?

Мысалы: менің қорғанысым,күтетін жер, отбасылық ұйытқысы

3.   «Махаббат» кірпіші

Мимика жест арқылы өзіңіздің балаға  деген махаббатыңызды жеткізесіз

4.  «Тапқырлық»кірпіші

Мектеп сөзінің әрбір әрпінен балаңыздың мінезін сипаттаңыз.

5«Түсінушілік»

Тапсырма: бір минут ішінде дөңгелек ішіне баланың бақытты көңіл күйін салу керекпіз және жапсыру.

 6. «Құрмет»кірпіші .

Өзіңіздің бойыңыздағы ешкім білмейтін жақсы қасиетіңіз.

Үйіміз дайын.

Менің ойымша отбасы- бұл махаббат үйі, ал бала –бақыт.

Сондықтан ата ана махаббаты балаңыздың өмірге деген құштарлығын, жолын ашады.

Халқымыз «Ұяда не көрсең, соны ілерсің» дейді. Бала әрқашанда ата анадан мейірімділікті, сүйіспеншілікті, жүрек жылуын қажет етіп, ата ананы өмірдің тірегі санайды.

VI.«Доп лақтыру» жаттығуы.

Бала сіз үшін кім? Допты бір-біріне ұсынып сұраққа жауап беру. Бала – болашағым, серігім, бақытым, өмірімнің жалғасы

VII.«Гүл теру» жаттығуы. Пікірлесу

(Әуен ойналып тұрады, арнайы дайындалған гүлдер алқабына бару) Барлық ата -

аналар орындарынан тұрып, гүл теруге шығады. Бір - бір гүлден алады. Сол гүлдерде сұрақтар жасырылған. Осы сұрақтар көлемінде пікірталас .

 Ата ананың тіршілігіндегі көрген қызығы, жақсылығының ең бағалы   перзенті.Баланың бойында туған үйдің жылуы оның көкірегінде көп жылдар бойы сақталып, мәңгі есінде болады. Отбасы бала тәрбиесінің ең алғашқы ұжымы. Баланың тәрбиелі болып өсуіне берекелі отбасының тигізетін әсері мол.

VIII.«Ән айтайық» жаттығуы

Балаларыңыз жақсы көретін әнді айтасыздар.

IX. Қорытынды

Жиналысты қортындылап  көрген білгендерін айту.Алған әсерлерін білдіру,ойларын ортаға салу.

Қатысып ой бөліскендеріңіз үшін рахмет.